خلفية تاريخية
الاسم نفسه ظهر في مجلة متخصصة في الشاي والقهوة في السبيعنات للدلالة على الجودة.
الاسم الحالي يدل على ايه:
يدل على قهوة عاديه خالص لكن كل حاجه فيها مميزة. غريبه مش كده.
يعني عندك كل حاجه بمعنى كل حاجه من اول السلالة للزراعة للتسميد للقطف للمعالجة لحجم الحبوب للتحميص للتحضير .
اعرفها ازاي:
بتكون واخدة تقييم اعلى من 80 درجة على مقياس من 100 درجة.
يعني من اول 80 اقدر اقول القهوة دي مختصة المعظم في مصر يدور حول 85 درجة وفيه 90 وحاجه وتسعين لكن السعر له كلمته الدرجات العالية غاليه جدا.
ثقافة القهوة المختصة في مصر زادت واصبح لها جروبتها عالفيس بوك كمان
القهوة المختصة فالمعظم ارابيكا لكن فيه قليل روبستا مختصة. وده لان الارابيكا هى اللي بتحتاج زراعة على
ارتفاع عالي وظروف بيئية مثلى لكن ده ميمنعش ان دولة زي الهند انتجت روبستا مختصة.
القهوة المختصة لها جمعية عالمية اسمها SCA وده شعارها
الجمعية دي غير ربحية وبتضم في عضويتها الاف محترفين القهوة المختصة حول العالم من
المزارعين الي المنتجين الي المحمصين الي الباريستا لان التحضير لا يقل اهمية عن الحبوب نفسها.
تقدر تشتري القهوة المختصة من هنا هتلاقي مكتوب امامها مختصة او specialty coffee
شهادات القهوة المختصة
جمعية SCA بتدي شهادات دوليه معترف بها.
القهوة المختصة بيتعمل لها cupping يعني طريقة لاستشعار نوتس القهوة بدون تحضير عميق
فقط مية مغلية واستعمال حاسة الشم والتذوق ومنها بنقدر نعرف ايحاءات كل قهوة ولازم تبقى القهوة جاية
مكتوب عليها بروفيل كامل من اول الزراعة الارتفاع الحصاد حجم الحباية وطبعا الايحاءات الخاصة بها .
هل القهوة المختصة لها طعم:
لا ملهاش طعم دي حاجه بتتسمى ايحاءات يعني مثلا القهوة دي بحس ان فيها طعم توت
هو مش توت هو ايحاء بالطعم وصل للسان ومنه للمخ ومش لازم كلنا نحس بنفس الايحاء بس المعظم بيتفق. وكمان طريقة التحميص والتحضير مهمين جدا جدا خصوصا التحضير بالتقطير زي v60 تقدر تلاقي قهوة v60 هنا
اخيرا البشر لا يتفقون على شيئ واحد فيجب ان تكون خبيرا للحكم على القهوة المختصة فرغم الاسكور والبيانات
يجب ان تتعلم الحكم على القهوة وذلك من خلال التدريب المستمر والقراءه والتذوق.
معلومات مهمة وفهمنا حاجات كتير كنا بنسمع عنها